新客95折優惠碼: DRKOALA5 (每月精選產品除外)
購買滿HKD600 免港澳地區順豐運費

樹熊研究所

樹熊博士,

咬文嚼字,

日日探索有機新知,

為你研究護膚大小事。

  • [Dr. Koala 產品分析] Juice Organics 有機椰子修護洗髮乳 | Dr. Koala Natural House

    [Dr. Koala 產品分析] Juice Organics 有機椰子修護洗髮乳

    Juice Organics 是來自美國的有機護髮品牌,主打的是「果汁」! 那「果汁」究竟和頭髮健康有什麼關係? 一起來看看這次產品分析的主角 - 有機椰子修護洗髮乳。 有機椰子修護洗髮乳內的「果汁」 這款產品內含3款天然果汁,包括有機蘆薈果汁(organic aloe juice)、有機白葡萄果汁(organic white grape juice)、有機蘋果汁(organic apple juice),3款都獲美國COPA有機認證,信心保證。 其中的有機蘆薈果汁(organic aloe juice)尤其重要,好多人都知蘆薈有滋潤舒緩肌膚的功效,但蘆薈中有蛋白水解酶(proteolytic enzyme)你又知唔知?它有消炎、抗真菌及修復受損細胞的功用,能有效減少頭皮屑及頭皮痕癢。另外,蘆薈亦有同頭髮角質蛋白(keratin)化學結構類近的成分,角質蛋白(keratin)是頭髮中重要的蛋白,因此有助增強頭髮堅韌度,令其不易斷裂。 椰子成分 叫得椰子修護洗髮乳,當然少不了椰子提取物,內含多種脂肪酸,而其中的月桂酸甘油三酯(triglyceride of lauric acid)對頭髮蛋白質更高度親和,其低分子量及直鏈化學結構,令其能在洗髮的短時間內,極速穿透深入頭髮髮芯,減少頭髮蛋白質的流失,強韌髮質。 (J Cosmet Sci. 2003 Mar-Apr;54(2):175-92.) 有機植物油 有機荷荷巴油(organic jojoba oil)、有機堅果油(organic argan oil)、有機葵花籽油(organic sunflower oil)、琉璃苣油(organic borage oil),4款獲美國COPA有機認證的植物油以Juice Organics的配方混合調配,豐富的營養自然帶來全面的滋潤,令洗髮後有如用上護髮素後的亮麗髮色。 總結 日日頭痕,R完頭皮屑瘋狂落下像落雪一般,講真,尷尬之餘對頭皮健康亦很差,容易令頭皮發炎,衍生其他問題,所以真的要盡快找出問題根源解決。 試過很多大牌子化洗髮水都無用,因為入面的化學成分只會更刺激你的頭皮,Dr. Koala 相信,大自然會給我們最好的,試試轉用有機洗髮,試試Juice Organics 有機椰子修護洗髮乳吧!   Juice Organics 有機椰子修護洗髮乳 https://drkoalanaturalhouse.com/collections/juice-organics/products/juice-organics-repairing-shampoo-300ml Juice Organics所有產品 https://drkoalanaturalhouse.com/collections/juice-organics    

    閱讀更多
  • 容易出油就是油性肌膚嗎? | Dr. Koala

    容易出油就是油性肌膚嗎?

    成日買護膚品都見到適合乾性/油性/中性/混合性皮膚嘅字眼,究竟我地應該買邊隻,唔同膚質又代表啲咩呢? 無論你係咩皮膚,我地嘅最終目標都係去到中性膚質,因為中性先係最理想嘅膚質,會產生最少皮膚問題。緊記!膚質問題唔一定會跟你一世,你係絕對可以透過用正確嘅護膚品嚟改善膚質!   乾性膚質 今次我會主要講解乾性膚質,好多人見到自己塊面出油就以為自己係油性膚質,就係咁用啲控油產品,但其實絕大部分人皮膚係乾到出油﹗ 點解? 因為真皮層嘅皮脂腺(Sebaceous Gland)感應到皮膚太乾時,就會製造皮脂(Sebum)嚟保護皮膚,所以當皮膚乾到一個點時,自然分泌大量油脂,油光滿面以為要更勤力洗走油脂,但愈洗啲油反而愈咇得勁,造成惡性循環。 最弊係當呢啲油脂堵塞毛孔,俾外界污染物氧化及感染,例如塵埃、氧化物和細菌等,就會形成黑頭粉刺,導致暗瘡問題。所以受到油脂分秘過多同暗瘡問題嘅朋友唔應該再係咁用控油產品,反而保濕先係解決問題嘅真‧方法。 肌膚太乾的原因 至於點解會肌膚會太乾呢?最主要梗係氣候問題啦,香港一踏入秋冬濕度低至65%,香港人長時間曝露喺乾燥嘅環境例如暖氣或冷氣,都會壞損皮膚表層的細胞基質(Extracellular Matrix),加上肌膚本身儲水力弱,更容易被空氣抽乾水份。 另外,如果我地選用護膚品不正確,例如洗臉後覺得臉部繃緊,其實代表你所使用嘅潔面產品潔淨力太高,唔單止將污物洗去,仲會將肌膚表面的皮脂層洗去,失去保護屏障嘅肌膚更容易係刺激下變得脆弱而敏感。   選用保濕產品小貼士 所以大家記住揀有保濕功能護膚品啦,包括潔面乳、爽膚水、面霜、面膜等。好多人驚揸完面霜會好“立”,所以成日懶得查,但其實每日早晚用完爽膚水都要揸架!乾性皮膚好脆弱,必須選擇天然而不含化學成份的護膚品,最好配合可以保濕滋潤及鎖住水份嘅天然精油成份,加強肌膚抵抗力和自我儲水能力。如果真係好怕痴立立嘅朋友可以選用水油平衡嘅乳液,嘅可以保濕又唔會唔舒服。而秋冬時覺得皮膚太乾想保濕就可以選用修護晚霜,第二朝起身就好水潤又易啲上妝㗎啦!   另外,去角質都可以解決乾燥肌膚問題同有效改善皮膚質感,皮膚嘅表層就好似床單咁,要定期更換,乾燥嘅肌膚無法正常代謝,而堆積的老廢角質會讓皮膚摸起來又粗又硬,因此配方良好嘅去角質產品例如磨砂面膜可有效地解決呢個問題。    

    閱讀更多
  • 表面活性劑 硫酸鹽(Sulfates) | Dr. Koala

    護膚品常見有害成份(二) –表面活性劑 硫酸鹽(Sulfates)

      上回就講完補濕毒物──鄰苯二甲酸酯(Phthalates),今次我會介紹另一種護膚品常見嘅物質──硫酸鹽(Sulfates)。   係起泡清潔產品中常見 市面上好多起泡清潔產品都含有呢種成份,例如潔面乳、潔膚液,甚至洗髮水、牙膏,姐係由頭到腳都有可能接觸到!如果你洗完臉會覺得塊臉好乾、好乸眼、或者刷牙後有口腔潰瘍,咁你使用緊嘅產品就好大機會有高濃度硫酸鹽(Sulfates)啦。   硫酸鹽(Sulfates)係咩? 在清潔產品中,佢地用作表面活性劑(Surfactants),可以乳化油膩物質,達至清潔功用。係化學啲嘅角度嚟講(會深少少 唔啱睇自行略過),因為佢地嘅粒子一面可以吸住你身體上嘅油脂分子(疏水Hydrophobic),一面可以溶係水(親水Hydrophlic),所以可以將油同水二合為一,過水時成舊沖走,達至清潔效果。   硫酸鹽(Sulfates)好多時會由月桂醇(lauryl alcohol)經化學反應製成,而月桂醇(lauryl alcohol)係椰子油同棕櫚油中可取得。因此,商人好多時都會標榜成分提鍊自椰子油,令你覺得好天然好有益,但其實即使由植物中提鍊出嘅硫酸鹽(Sulfates)都可以刺激皮膚!唔好再比椰子提取矇敝左你啦! 以下係一啲常見嘅硫酸鹽: 聚氧乙烯烷基硫酸鈉(sodium laureth sulfate (SLES)), 十二烷基硫酸鈉(sodium lauryl sulfate (SLS)) 月桂醇聚醚硫酸銨(ammonium laureth sulfate (ALES)) 十二烷基硫酸銨(ammonium lauryl sulfate (ALS)) 硫酸鹽(Sulfates)有咩風險? - 刺激皮膚 雖然硫酸鹽(Sulfates)刺激性唔算話真係超強,但長期高濃度接觸會導致角質層嘅破壞。 硫酸鹽有好好嘅發泡能力,有好強嘅去脂能力,令人覺得用完乾淨清爽,加上價格低廉,所以好多平價產品都會大量加入,濃度高自然刺激皮膚。 另外,過水唔徹底而令佢殘留係皮膚上,亦係導致刺激皮膚主要原因,敏感肌嘅朋友真係要格外留神。   - 降低皮膚防禦能力 硫酸鹽(Sulfates)清潔能力高,將皮膚上嘅天然油脂通通洗淨,長期使用就會令皮膚防禦能力降低。都市空氣污染有幾勁,相信大家都知,塵埃、自由基、致癌物、細菌病毒、PM2.5......應有盡有,為求一時乾淨快感,將自己嘅天然保護系統破壞,真係後果自付。   真係致癌? 網上好多Blog或文章都會話硫酸鹽(Sulfates)係致癌物,係呢度我可以話俾大家知,暫時都仲未有一個關於佢嘅研究指出硫酸鹽(Sulfates)有直接致癌風險。 話雖如此,由於過度去脂同刺激嘅特性,破壞天然皮脂同角質,令環境中嘅致癌物有機可乘,雖然間接卻不無道理。 用護膚品但就增加皮膚問題風險都唔係好事啦係咪?為左自己健康著想,你仲會唔會一味貪平亂買化學潔面乳?定係對自己皮膚好啲用返天然護膚品?   推介天然產品 潔面乳係護膚步驟中最基本嘅一步,市面上嘅潔面乳真係平至十幾蚊,貴至幾百蚊都有,不妨花多啲時間研究下佢地啲成份,再作出精明嘅選擇啦!       了解更多健康肌膚之道: 3種妳必須提防的防腐劑 (上) - 防腐劑篇(一) 角鯊烯(Squalene)的5大奇效 美容界的後起之秀—英國天然母嬰品牌Bloom and Blossom...

    閱讀更多
  • 角鯊烯(Squalene)的5大奇效 | Dr. Koala

    角鯊烯(Squalene)的5大奇效

        近年,世界各地嘅橄欖油精煉廠都用盡一切方法提煉角鯊烯(Squalene),去滿足天然護膚品界、天然保健品界及藥品界對佢嘅需求。   角鯊烯係乜東東? 角鯊烯之所以咁命名,全因佢最初係1906年,由鯊魚肝油中發現! 海平面下1000米左右,氧氣極少,住係個度嘅鯊魚,先有大量嘅角鯊烯,角鯊烯係佢地肝臟含量尤其豐富,佔肝油60-85%。 除左深海鯊魚,大自然中好多動植物都會自己生產角鯊烯,因為佢係身體合成類固醇(steroids)嘅必須成份。 植物中角鯊烯含量最多嘅有橄欖油(150-700mg每100g)及米糠油 (332mg每100g),所以為左保護數量稀少嘅深海鯊魚,大部分有良心嘅天然護膚品都會以橄欖角鯊烯為主。 我地--人類亦都會生產角鯊烯!! 每人每日可分泌角鯊烯約125-425mg,由皮膚及肝臟細胞產出,主要分佈係皮膚同脂肪組織中。角鯊烯係皮脂(sebum)嘅重要組成成份,大約12%,係皮膚保濕力嘅關鍵!   點解我地需要角鯊烯? 自出娘胎,皮膚嘅角鯊烯會不斷增加,直到廿四、廿五歲個陣達到頂峰,之後,身體生產角鯊烯嘅速度就會不斷減慢……好多人都話廿五歲係女人皮膚嘅重要轉捩點,細紋、乾紋、縐紋等等嘅問題開始日日煩住妳,因中一個主因---皮膚角鯊烯減少!   角鯊烯對我地有咩好處? 解決皮膚根本問題 作為肌膚天然油脂分泌嘅主要成分,角鯊烯絕對可以稱得上係最親切天然嘅潤膚成分,而橄欖角鯊烯質感輕盈,搽上面唔覺油膩,亦唔會有鯊魚肝油角鯊烯嘅魚腥味,慢慢滲入肌膚底層,幫肌膚鎖實水份,當肌膚夠水潤,好多討厭嘅皮膚問題自然迎刃而解。   抗氧化 天然皮脂分泌係肌膚嘅第一道防護,其中12%角鯊烯就擔當左抗氧化嘅重要角色。 一方面角鯊烯的生化結構為C30 H50,技術上係有6個雙鍵嘅omega 2油,註定佢係一個抗氧化嘅狠角色。另一方面因為佢比較重,比起其他抗氧化劑較容易滲入肌膚底層,所以可以更有效保護肌膚細胞免受自由基嘅突襲。   造氧激活細胞 角鯊烯另一獨特能力,係可以同水分子結合造氧,提高細胞含氧量,亦有類似人體血紅蛋白(haemoglobin)嘅攜氧能力,調節身體組織內嘅氧氣平衡,增強細胞活力,促進新陳代謝。That’s why 啲深海鯊魚能夠係氧氣極稀少嘅環境下生存。   安全性 因為我地身體都會製造角鯊烯,所以用落皮膚上基本上係十分安全嘅,而好多毒理學嘅研究亦都已經證明角鯊烯係對人體無毒,亦無明確致敏風險。   抗癌 地中海週邊國家係橄欖油嘅家鄉,個度嘅人當橄欖油係水咁日日隊,因此佢地嘅角鯊烯每日攝取量(200-400mg)一般比其他西方國家(約30mg)多出近十倍,同時佢地患癌比例之少亦可謂冠絕全球。 好多動物都會生癌,但係含有豐富角鯊烯鯊魚中卻非常罕見,就算係含有大量致癌物嘅環境下亦鮮有中招。 就以上兩點,燃起左好多科學家對角鯊烯嘅興趣,雖然到目前為止仲未確證到角鯊烯對人體嘅抗癌機理,但無論係流行病學、總多嘅實驗及動物實驗中已經證明左角鯊烯對癌細胞嘅預防及抑制作用。   角鯊烯(Squalene) vs角鯊烷(Squalane) 睇多咁多角鯊烯對皮膚嘅好處,大家應該會更留意啲天然護膚品有無佢嘅存在,不過請注意另一個同佢超似嘅成份--角鯊烷(Squalane),無論中英文都只差一個字咁多。 角鯊烷係由角鯊烯經氫化(hydrogenation)後嘅化合物,因為結構上少咁幾個雙鍵,抗氧化同造氧激活細胞嘅能力都同角鯊烯無得比!!但因相對穩定,成本較低,所以比較常見於天然護膚品中。   推薦產品 Botani 橄欖抗衰老精華(橄欖角鯊烯精華)  含豐富橄欖角鯊烯 Olive Squalene (99.7%)(由有機橄欖提煉),能替代存在於肌膚中的角鯊烯 squalene 即時提升肌膚水份,更能在24小時內把肌膚濕度提升50% 把水份鎖在肌膚,達至長效保濕 了解更多健康肌膚之道: 3種妳必須提防的防腐劑 (上) - 防腐劑篇(一) 3種妳必須提防的防腐劑 (下)...

    閱讀更多
  • 爽膚水 - 不可忽略的護膚步驟 | Dr. Koala

    爽膚水 - 不可忽略的護膚步驟

      好多人洗完臉就會直接搽保濕護膚產品,以為爽膚水冇用,但其實用爽膚水係好重要嘅護膚步驟嚟㗎!爽膚水又名為化妝水,每次塊臉經水沖過後都要用,例如洗臉,每日早晚最少一次。   爽膚水主要有4大功用 1: 為肌膚再度清潔 2: 補水保濕 3: 平衡皮膚嘅pH值 4: 調理角質層,使肌膚更好地吸收,為使用保養品作準備。 由於水喉水未必乾淨,同埋皮膚嘅pH值應該係略帶酸性,而自來水就略帶鹼性,所以要調整肌膚為跟住落嚟嘅潤膚步驟作好準備。 爽膚水正確用法 好啦講完爽膚水嘅重要性,咁點用先係正確使用爽膚水呢?有啲人會吱係手度再輕拍上臉,雖然可以即時補水,但其實咁樣係會發揮唔到佢清潔嘅功能,而且有一半都會比手吸收浪費爽膚水。 正確嘅使用方法應該係吱落化妝綿上,再輕抹臉部及頸部,避開眼周,就好似抹檯咁,一定要用布先帶走到污糟野,先抹得乾淨㗎嘛!然後使用精華露同保濕霜。 而另一種用法就係做mask,當肌膚太乾時可將gel狀保濕產品敷係面上,再將爽膚水吱落化妝綿或壓縮面膜上,然後攤開敷係凝露上,敷10分鐘,跟住塊面就會充滿水份㗎啦!   爽膚水常見成份 究竟爽膚水嘅成份有咩呢?同一般水有冇分別㗎?佢嘅成分有水、同根據唔同功能嘅成份嘅水溶液,譬如維他命C、果酸等,而一啲非天然護膚品就會加入其他化學藥劑,如香料,酒精等。 網上有唔少網聲稱酒精對皮膚唔係有好大傷害,仲有消炎殺菌之用,但其實咁係大錯特錯! 的確,護膚品中嘅酒精例如變性酒精(SD alcohol)、乙醇(ethanol)、異丙基(isopropyl)、甲醇(methanol)同埋乙基(ethyl alcohol) 都會令你用完覺得好清爽,冇痴立立嘅感覺,that's why咁多護膚品品牌,為求即時效果。 但係,我地皮膚表面嘅一啲天然屏障,本身係助肌膚吸收某啲精華素或其他有益肌膚嘅物質,例如油脂(lipids)、酶(enzymes)同抗氧化劑(antioxidants) ,而為左即時清爽見效,亦令某啲物質例如視黃醇(retinol)同維生素C更易進入皮膚而添加酒精,會分解呢啲皮膚屏障,直接影響皮膚健康,贏粒糖輸間廠,咁就得不償失啦! 爽膚水小總結 所以我地揀爽膚水就應該楝不含酒精成分嘅護膚品!爽膚水有分好多唔同種類,有保濕、美白、抗痘、防敏感的舒顏爽膚水,大家可以按自己需要嚟選擇適合自己嘅爽膚水。 爽膚水就講到呢度,下次再同大家講下其他護膚時要留意嘅事,希望大家搵到適合自己嘅爽膚水同勤力用啦。

    閱讀更多
  • 護膚品常見有害成份(一) - 鄰苯二甲酸酯 (Phthalates)

    護膚品常見有害成份(一) - 鄰苯二甲酸酯 (Phthalates)

    係我地現今嘅生活環境,其實存在著各種各樣嘅污染物同埋有毒物質,對我地身體造成唔同嘅影響。而係我地日常生活入面所接觸到嘅物品,例如食物、衣服、包裝物料、護膚化妝品同埋藥物,其實都會有機會含有唔同種類嘅有害物質。如此一講,似乎我地每個人都好容易接觸到有害物質,咁我地咪豈不是好危險?   咩係有毒物質? 咁究竟我地應該點去界定有毒物質呢?首先,我地就要講一講毒理學(Toxicology)其中一個重要嘅原則,就係” Toxicology studies the inherent capacity of a chemical to produce injury”[1],亦姐係話毒理學其中一個任務,就係睇下唔同嘅化學物質令人中毒(受損害) 嘅能力。 具體啲咁講,就係所有物質都有一定嘅毒性,而有害與否,重點係取決於我地身體接觸到幾多呢啲物質。例如,平常我地都會話水(H2O)係無毒嘅。但係如果我地係短時間之內飲用大量嘅水(e.g.10公升) 其實一樣會令我地出現水中毒(water intoxication).[2]   鄰苯二甲酸酯係咩? 鄰苯二甲酸酯(Phthalates)其實係一個化學物質嘅種類。佢地最常被用到嘅地方就係塑膠材料入面嘅塑化劑。不過非常不幸地,鄰苯二甲酸酯原來都有一啲常見護膚品所需要嘅特質。例如佢都有保濕 (humectants)、軟化皮膚 (emollients)同埋加強護膚成份滲透嘅作用。咁聽落去,係護膚品到用鄰苯二甲酸酯都似乎係一個「一石三鳥」之計。 但係,大家再睇埋佢地對身體嘅損害,我諗大家都唔會對呢類化合物再有好感。 內分泌干擾物 輕則佢地有機會會干擾兒童嘅代謝同埋內分泌,誘發肥胖問題。另外佢地亦都有可能會影響男童嘅發育。更加嚴重嘅係佢地導致嘅內分泌干擾,係有初步嘅研究指出同乳腺癌同埋先天畸形有關。 因為鄰苯二甲酸酯嘅影響都係比較慢性同埋間接,所以各地嘅政府仲未百分百禁止佢嘅使用。但係佢嘅健康隱患令我地都一步一步咁係護膚產品入面將佢淘汰。嘅然我地知呢類物質係好少量嘅情況下都有機會會對身體造成損害,我地就應該盡量留意,少接觸到佢地。   其實有害嘅化學物質有咁多種,一次又點講得哂呢。所以黎緊我地都會繼續為大家介紹多啲常見而又需要避免嘅化學物質。大家想護膚品用得安全又稱心,就記住留意我地嘅最新動態喇。   參考資料: Hayes, A. W. (2001). Principles in Toxicology. Rowntree, L. G. (1923). Water intoxication. Archives of Internal Medicine,32(2), 157-174. Koo, H. J., & Lee, B. M. (2004). Estimated exposure to...

    閱讀更多