11月 24 2020
聖誕妝容仲偽素顏？一樣單品即可打造能安定人心既紅茶系妝容
雖然2020年全年都帶住口罩，但作為女人點可以唔化？呢年都非常流行既「茶藝妝」去到今年冬天發展出既「赤茶妝」，特別適合一眾OL日常工作使用，重點係打造清透如紅茶一樣既妝感，除左俾到人有溫柔穩重既感覺，仲係冬天散發出溫暖既氣息，今個冬天做暖女，一齊融化呢個疫情下既寒冬。
圖片：ig@sumiko_yoda
係心理角度上，紅色屬於富有動感既顏色，可以帶俾人有活力既感覺，同時可令人感到溫暖同安全，所以無論新年定聖誕處處都用上紅色，其實就好岩用來平衡冬天寒冷既感覺；而同時紅色亦也具有大膽同威嚴既性質，所以係唔同場合都可以適用。
要化出溫柔又穩重既妝容，係選色既時候，無論選邊種色調既紅色，都一定要避免使用實色調既顏色，先唔會令人覺得妝感過濃，所以可以選擇返膏狀/液狀既眼影/胭脂來打造透明感，亦都可以注意返上妝手法要多次小量為主。
要帶出紅茶系妝容既整體感覺，建議全臉使用紅色調的妝品，同紅色本身係比較強烈既色彩，就算配搭都可以用返紅調啡系調和。
圖片：ig@moniyuki_v
紅系眼影使用tips:
可以留意返如果使用紅調眼影一定要將眼蓋同眼圈既色素以遮瑕膏先處理，唔係就會好易有腫同污糟既感覺，如果眼圈太重其住用返橙調既遮瑕先唔會顯灰白。不過如果眼蓋色本身帶啡，直接使用則可以帶來啡紅調既效果，其實都唔錯架！
如果想一試紅茶妝，初學者或者手殘達人可以試下用啡紅胭脂打造整個妝容感覺，唔似得平時用開既粉調色咁少女，不過就好岩初入職場營造成熟感覺既朋友。
要打造全臉紅調妝容，唔通要買過曬d化妝品？其實只要用Manasi7既ALL OVER COLOUR 多用途美妝膏就可以做到全臉紅調既效果，因為色澤來自天然色素，所以整體具通透感而且貼近大自然既色彩，就算用紅色調都可以俾到人自然既感覺。
而多種唔同色調既紅色仲可以俾你根據返自己皮膚色調選返岩用既色，如果臉部及唇色偏紅，可以選返啡色去中和返過於鮮明既紅色素，咁就可沒輕易營造溫柔妝感！
而臉部偏黃既朋友可以選返帶藍調既KURANBERI 波爾多紅酒，可以中和臉部黃色素之餘亦為臉容帶來血色。
如果臉色偏冷白色就可以選返正紅色，中和為臉部過於冰冷既色調，特別可加強返唇色既鮮明感，令整體感覺穩重得來又溫暖。
![[Dr. Koala 成分小學堂] 果酸(AHA) - 四大換膚功效](http://cdn.shopify.com/s/files/1/1003/6706/articles/1_32ec69b2-a8a1-4faf-a20b-85e7f7999536_large.jpg?v=1599054740)
![[Dr. Koala 成分介紹] 柳樹皮 - 天然暗瘡剋星](http://cdn.shopify.com/s/files/1/1003/6706/articles/wt_step_1209081934117204_large.jpg?v=1499918289)
![[Dr. Koala 產品分析] Juice Organics 有機椰子修護洗髮乳](http://cdn.shopify.com/s/files/1/1003/6706/articles/Juice_Organics_Repairing_large.jpg?v=1497336247)
