抗衰老(Anti-aging)大作戰(二)──對付UV你要知

在 三月 22 2017發佈

抗衰老(Anti-aging)大作戰(二)──對付UV你要知

 

「姨姨,讓你坐呀: )」

「姨你個頭﹗人地廿歲出頭咋﹗﹗」

以上情節當然係誇張左少少咁多啦,不過,唔想俾人睇落大過真實年齡?或甚至想留住青春?點做先得??

係上一篇「抗衰老(Anti-aging)大作戰(一)──認識最大敵人」,我為大家講解左UV嘅恐怖之處,知道UV先係青春嘅頭號敵人。今次就係時候講講點樣對付UV啦﹗

 

如何減輕UV嘅傷害?

最簡單直接嘅方法,就緊係做足防曬措施啦。永遠都要記住,防曬嘅成本絕對係低於事後補救嘅成本,例如曬黑先嚟美白、曬傷先嚟鎮靜。更重要嘅係,事後補救,唔代表皮膚就可以100%復原!另外亦要留意,防曬一年四季都要搽,唔好以為果日唔係好曬就唔搽呀!

抗衰老(Anti-aging)大作戰(二)── 對付UV你要知 | Dr. Koala

防矖其實有咩用?

防矖液可分為化學性防曬(Chemical sunscreen)和物理性防曬(Physical/ Mineral sunscreen)兩種。

 

-化學性防曬(Chemical Sunscreen

佢地以成分嘅化學特性達到防曬效果。直接吸收UV,將之轉化為熱能,減輕紫外光嘅傷害。

好處係無色無味,易推開唔會搽到成身白色,亦唔油膩。不過部分常見嘅化學性防曬成分都幾毒下,又易俾皮膚吸收;有啲又會釋出自由基,較容易刺激皮膚、傷害皮膚及造成皮膚老化,所以要小心選擇。

常見化學性防曬成份包括:二苯甲酮Oxybenzone (Benzohenone-3)、阿伏苯宗AvobenzoneParsol1789)、桂皮酸鹽OctinoxatePABA ( Para Amino Benzoic Acid), 氰雙苯丙烯酸辛酯Octocrylene、甲基水楊醇Homosalate( Homomethyl Salicylate) 4-甲基亞苯亞基樟腦4-MBC4-Methylbenzylidene Camphor)

 

-物理性防曬(Physical/ Mineral sunscreen)

物理性防曬主要係二氧化鈦(Titanium dioxide)同氧化鋅(Zinc oxide)。通常以納米顆粒嘅形態出現。

原理係塗於皮膚後形成薄膜,再以天然礦物質嘅反光表面將UV反射,達致阻隔效果。由於分子大,不滲入皮膚亦不被皮膚吸收。

能有效扺抗UVAUVB,而且物質溫和不刺激,特別適合敏感性和特幼嫩的嬰幼兒肌膚。但針無兩頭利,物理性防曬一般會較泛白,亦會油膩一啲。

 

小總結

大家宜家應該知道,防曬大約點樣分。兩款防曬,各有利弊,所以好多時候防曬產品都會有齊兩隻,以達致最佳效果。

既然如此,邊隻化學性防曬成分係比較危險,而邊隻又比較安全,我地就有必要認識

Related Posts

螺旋藻 (Spirulina) - NASA 推薦太空人執行任務時必備食物之一
近年螺旋藻(Spirulina)被坊間熱烈追捧。樹熊其中一個天然保健品牌 KIKI Health 亦有螺旋藻產品,所以作為呢個產品嘅代理之一,而保健產品始終食落肚,有必要慎重、慎重再慎重地去篩選資料嘅真確性。 坊間好多時候都會將螺旋藻...
Read More
[Dr. Koala 成分小學堂] 果酸(AHA) - 四大換膚功效
果酸(AHA)是什麼? 果酸(α-羥基酸, Alpha-hydroxy acid, 縮寫AHA),作為羧酸的一種,不但是有機酸,更是一種能去角質達致換膚效果的成分。常用於護膚品的果酸有甘醇酸(Glycolic Acid)、乳酸(Lat...
Read More
[Dr. Koala 成分介紹] 初榨冷壓椰子油 - 天然護髮首選
椰子油的2大種類 在業界,椰子油一般分為兩大類別,初榨椰子油(Virgin Coconut Oil, VCO)及精煉椰子油(Refined Coconut Oil),前者用新鮮椰子經冷壓榨出椰子汁,再將椰子油從中分離出來;後者多用乾椰...
Read More

0 個留言

留言

最新文章