香港免運費

Dr. Koala 新單九五折優惠碼: DRKOALA5 (部分產品不適用)

樹熊研究所

樹熊博士,

咬文嚼字,

日日探索有機新知,

為你研究護膚大小事。

  • 仙人長籽油 - 一種珍貴的護膚油及7大功效

    在 四月 22 2018發佈

    仙人長籽油(Prickly Pear Seed Oil) - 一種來自仙人掌果的植物籽油,性質温和,在護膚界冒起得非常迅速。仙人長籽油非常珍貴稀有,只有在摩洛哥南部一帶才能找到它們,幾個世紀以來一直被當地的柏柏爾族人用作加速皮膚癒合及保護皮膚。而仙人長籽油內含的多種護膚成分更令它成為現今業界最豪華最炙手可熱的護膚成分之一。 仙人長籽油是什麼? 仙人長籽油有很多其他稱呼,亦被稱為刺梨籽油、仙人球果籽油、巴巴里無花果油(Barbary Fig Oil) 或印度無花果油(Indian Fig Oil)。來自於仙人掌果,顏色鮮艷,口感爽脆,散發着獨特的芳香,與仙人掌的其他部位一樣,果實的表面長滿了尖刺,而整棵仙人掌更可以生長到6-7尺高! 生產方法及產量令它如此珍貴 雖然仙人掌原產於美洲地區,它們亦盛產於非洲、澳洲和地中海等地區,但護膚效能最佳的卻首選來自摩洛哥。 仙人長籽油的珍貴之處,更在於其產量之低,一般由當地柏柏爾族人以人手冷壓提取,雖然仙人掌果實平均含有約150-300粒種子,但種子本身很小,只含有約5%的籽油,生產1公升的油便需要用上近8 噸的仙人掌果!因此,它的價格較其他植物油及籽油昂貴,但因為強大的護膚效能,市場對它卻仍然有大量需求。 仙人長籽油對皮膚的好處 仙人長籽油有着與眾不同的護膚之效,其中一個重要原因,是因為它的維生素E 含量是總多植物油中最高的,其甚至比摩洛哥堅果油高出3倍之多。另外,仙人長籽油亦含有非常高含量的亞油酸(Linoleic Acid)(必需脂肪酸[的一種),不但可以減輕日光所引起的色素沉澱,更可以對皮膚起着屏障作用,降低水分流失,從而增加水分。 仙人長籽油更含有大量的維生素K,它有助於消退黑眼圈,均勻膚色,減少毛細血管破裂。 亦含鋅元素,有助減少皮膚發紅和發炎情況,同時減少皮脂產生。 仙人長籽油的植物甾醇含量也很高,尤其是β-谷甾醇,可提供抗氧化、抗菌和抗炎等功效。多種成分的配合,令仙人長籽油能有效對抗衰老,並促進了新的膠原蛋白的生產。 4 大主要護膚成分 脂肪酸(Fatty Acids) 在市面上的植物護膚油中,仙人長籽油含有最高的不飽和脂肪酸,約88%,這對於明亮肌膚、刺激健康的細胞的產生和化代謝非常重要。 仙人掌籽油的必需和非必需脂肪酸(EFA)的構成:...

    0 留言 閱讀更多
  • 【Dr. Koala 成分分析 】摩洛哥堅果油的 5大護膚成分及功效

    在 三月 04 2018發佈

    每當我們想到摩洛哥堅果油時,往往都只會聯想起它對頭髮的好處,令你有一把光澤而有彈性的秀髪,這卻大大低估了摩洛哥堅果油的效用了﹗其實堅果油的好處遠超你所想,在不論香港及以致全世界美容業界更有著特殊的地位,所以許多天然有機美容產品中都能發現堅果油的身影。   摩洛哥堅果油從哪來?  摩洛哥人運用堅果油的歷史悠久,早在公元前1550已有當地人使用堅果油作治療及護理皮膚的記錄,當時傳到歐洲後更只有最富裕的階級才能使用。 堅果來自堅果樹的果實,藏在厚厚的果皮及果肉內,而每顆堅果含一到三個油脂豐富的堅果仁。根據提取方法的不同,能提取出30%至50%的堅果油。   摩洛哥堅果果實長2-4厘米,寬1.5-3厘米,果實最外面是一層厚厚的苦果皮,包着氣味甘甜但味道不佳的果肉。 在這果皮及果肉中間是非常堅硬的堅果,摩洛哥堅果籽正在其中(包着一至三個果籽)。 摩洛哥堅果油如何萃取 想保留堅果油的百分百價值,必須全人手古法萃取。這個耗時耗力的過程,經常由摩洛哥地區柏柏爾( Berber)的婦女擔當。她們先以石塊敲碎堅果硬殼,取出果實,再壓榨成油。這項手工極度繁複艱辛的工作,賦予了柏柏爾( Berber)婦女賺錢養家的本領,甚至改善生活的能力。  摩洛哥地區柏柏爾( Berber)的婦女每天的工作 - 人手萃取堅果油,箇中的辛酸不為人所道,辛苦得來的成果更可能被無良的大機構剝削,不過為了生計,只能忍受,因此我們選購堅果油時,緊記要先了解品牌,選擇支持公平貿易的品牌。 摩洛哥堅果油中的5大美容成分 1. 不飽和脂肪酸 堅果油最為人所熟知的,當然是它超過80%的不飽和脂肪酸,當中最豐富的是屬Omega-9的油酸 (Oleic acid) 及屬Omega-6的亞麻油酸(Linoleic acid),後者亞麻油酸更是無法由身體自行合成製造出來,只可以透過日常飲食與外塗護膚品來補足。 Omega-6亞麻油酸對皮膚起着重要作用,不但能保持皮膚細胞的完整性,更有效調控細胞流動性,從而維持良好的細胞間脂質(Ceramide)結構,增強皮膚的鎖水與修復功能。 而堅果油中豐富的脂肪酸,亦有效促進我們的身體生產另一種天然抗炎物 - 前列腺素(Prostaglandin),從而緩減皮膚炎症問題。   2. 角鯊烯...

    0 留言 閱讀更多
  • 螺旋藻 (Spirulina) - NASA 推薦太空人執行任務時必備食物之一

    在 一月 08 2018發佈

    近年螺旋藻(Spirulina)被坊間熱烈追捧。樹熊其中一個天然保健品牌 KIKI Health 亦有螺旋藻產品,所以作為呢個產品嘅代理之一,而保健產品始終食落肚,有必要慎重、慎重再慎重地去篩選資料嘅真確性。 坊間好多時候都會將螺旋藻講成「未來食物」,又抗癌、又抗病毒、又可對抗慢性疲勞症候群(Chronic fatigue syndrome)乜乜乜…相信只有仙丹先有咁勁嘅功效。 以下即刻帶你睇睇螺旋藻嘅真正好處!   素食者/營養不均者福音 對素食者/營養不均者黎講,想要時常留意補足蛋白質、維生素同礦物質,要一種食物滿足呢三個願望,螺旋藻確實係一種唔錯嘅營養補給品。 豐富的植物性蛋白質(含量高達65%)-維持肌肉和骨骼健康 多種維生素: 維生素B12含量約為動物肝臟的3-4倍: 維護神經系統的健康,促進紅血球的再生β胡蘿蔔素含量約為胡蘿蔔的2-5倍:抗氧化營養素,能抑制自由基對細胞的破壞作用,預防老化及慢性疾病 豐富的γ次亞麻油酸(GLA) :可降低膽固醇,有助預防心血管疾病高量 多種礦物質(包括 鐵、鉀、 鈉、鎂 和鈣): 岩曬缺鐵性貧血、骨質疏鬆、 肌肉無力、抽筋、心跳有毛病、容易疲倦、胃口欠佳、腸胃不適者。 鐵: 製造紅血球 鉀: 維持體內酸鹼平衡、心跳功能,神經系統傳導功能 鈉: 維持體內水分及酸鹼平衡,令肌肉及神經系統操作正常 鎂: 堅固骨骼和牙齒、幫助製造蛋白質、神經系統傳導功能 鈣:...

    0 留言 閱讀更多
  • [Dr. Koala 成分小學堂] 果酸(AHA) - 四大換膚功效

    在 七月 26 2017發佈

    果酸(AHA)是什麼? 果酸(α-羥基酸, Alpha-hydroxy acid, 縮寫AHA),作為羧酸的一種,不但是有機酸,更是一種能去角質達致換膚效果的成分。常用於護膚品的果酸有甘醇酸(Glycolic Acid)、乳酸(Latic Acid)、蘋果酸(Malic Acid)、檸檬酸(Citric Acid)、及酒石酸(Tartaric Acid) ,主要由天然的食物提取,例如甘蔗、蘋果、牛奶、檸檬等等。 其中又以甘醇酸(Glycolic Acid)最有效,因為粒子結構最細小(分子量76),有較高生物利用度,滲透率較高,能迅速深入皮膚底層,而乳酸則以分子量90緊隨其後。 (左圖)圖為《科勒藥用植物》(1897), Saccharum officinarum 甘蔗。引用自https://en.wikipedia.org/wiki/Sugarcane (右圖)甘醇酸 (Glycolic Acid),C2H4O3,分子量76, pKa3.83。引用自https://en.wikipedia.org/wiki/Glycolic_acid 果酸的四大換膚功效 1. 角質剝離 經醫學研究証明果酸能有效去除皮膚老化角質細胞。 複雜慎讀:其中一個由研究人員Wang 在1999年提出的機制是,果酸能有效減少皮膚表皮層的鈣離子,而鈣離子(Ca2+)作為E-鈣粘蛋白(E-Cadherins)的重要合成,降低的鈣離子濃度能令角質細胞間的粘附降低,繼而剝落。 (Wang X. A theory for...

    0 留言 閱讀更多
  • [Dr. Koala 成分介紹] 初榨冷壓椰子油 - 天然護髮首選

    在 七月 20 2017發佈

    椰子油的2大種類 在業界,椰子油一般分為兩大類別,初榨椰子油(Virgin Coconut Oil, VCO)及精煉椰子油(Refined Coconut Oil),前者用新鮮椰子經冷壓榨出椰子汁,再將椰子油從中分離出來;後者多用乾椰肉(Coconut Corpa)經精煉(Refined)、漂白(Bleached)及去味(Deodorized)等工序而成,所以又名RBD椰子油。 單憑肉眼很難分辨兩者,不過由於冷壓椰子油沒有經過漂白去味等工序,一般會殘留椰子的餘韻香氣。 乾椰肉(Coconut Corpa)作為精煉椰子油的主要原材料,不能直接進食,因為它是經不同種類脫水工序而成的商品,例如曬乾、煙燻乾或窯乾,又硬外表又黑又骯髒,保證免費送給你也不會吃,只適合用作精煉。 (上圖) 乾椰肉(Coconut Corpa),主要用作精煉椰子油。 初榨椰子油 vs 精煉椰子油 初榨棷子油直接由新鮮椰子冷壓而成,能夠保留椰子中大部分的天然營養,例如中鍵飽和脂肪酸(辛酸約7%、癸酸約8%及月桂酸約50%)、維他命及礦物質。 精煉椰子油雖然在脂肪酸含量上沒有太大分別,但抗氧化物含量卻大打折扣。更壞的是,某些經氫化(Hydrogenation)的精煉椰子油會產生反式脂肪,而液態精煉椰子油更缺少了棷子油當中最有價值的營養 - 月桂酸。 所以要以椰子油護髮,還是較建議使用初榨棷子油。 初榨棷子油四大護髮妙用 要講棷子油的護髮好處,當然要先簡單講解頭髮的知識。 頭髮結構是由最外層的毛小皮(Hair Cuticle)、中間的毛皮質(Hair Cortex)及最中心的毛髓質(Hair Medulla)組成,主要成分都是角質蛋白。 染髮或燙髮主要就是改變中間的毛皮質,令外層的毛小皮在化學作用下受到破壞,而過度梳理頭髮,產生的摩擦亦會令毛小皮受損,造成我們常說的髮質受損。 1. 保持秀髮柔順...

    0 留言 閱讀更多
  • [Dr. Koala 成分介紹] 柳樹皮 - 天然暗瘡剋星

    在 七月 13 2017發佈

    柳樹皮(學名: Salix alba),又名Willow Bark,是天然護膚品中常見的成分,尤其常見於具淨化肌膚功能的產品。 古時無論中西,皆有以柳樹皮入藥的記載,中醫認為它有祛風利濕,消腫止痛的作用,古埃及及古希臘人以此治頭痛和發熱,而歐洲則在18世紀初發現其藥用價值。 柳樹皮的藥性,全因內含水楊苷(Salicin)成分,一種非常有名的植物生化素,因為它能在人體中代謝成水楊酸(Salicylic acid),正正就是阿斯匹靈的前身。 因此柳樹皮作為一種天然成分具有良好的解熱、鎮痛及抗炎功效,所有很多針對暗瘡的天然抗痘產品皆能找到它的身影,可以深入淤塞毛孔,溶解粉刺,為暗瘡部分消炎止痛,作為痘痘剋星當之無愧。 要搵含柳樹皮抗痘產品,可以試試Juice Beauty的抗痘控油祛印系列,以柳樹皮為骨幹,配合天然果酸配方,再加入輔酶Q10、維他命C等成分,有上佳的消炎淨化能力。除了成分上的優勢,四星期臨床驗證更94%明顯改善暗瘡情況,可見其功效卓越。 即看->Juice Beauty 抗痘控油袪印系列 Blemish Clearing

    0 留言 閱讀更多
  • [Dr. Koala 產品分析] Skin & Tonic 純淨玫瑰保濕噴霧

    在 六月 27 2017發佈

    Skin & Tonic - 一個來自英倫的有機品牌,近期開始在歐洲冒起,不單因為它的優質產品,支持者更喜愛它「簡單就是美」的理念。 Skin & Tonic 提倡7大理念,包括全產品有機認證、拒絕動物測驗、人手小批生產、支持本土地小機構、支持公平貿易女性織、10%利潤捐助慈善組織等, 而最特別的,莫過於堅持所有產品均不多於7種成分,要以最簡單、有效而直接的配方給予妳皮膚足以的養分,散發天然魅力。   法國阿爾卑斯山高地玫瑰 每次分析Skin & Tonic 的產品都十分開心,因為一定不會超過7種成分,工作量大大減少! 今次看看這Skin & Tonic 純淨玫瑰保濕噴霧,選用了4種天然成分,100%天然,96%有機,規格十分高,成分依次為百葉玫瑰花花水(Rosa centifolia flower water)、有機甘油(Glycerin)、明串球菌/蘿蔔根發酵濾液(Leuconostoc/Radish root ferment filtrate)及有機蘆薈萃取(Aloe barbadensis leaf juice)。 百葉玫瑰花花水通過Certified...

    1 留言 閱讀更多
  • [Dr. Koala 產品分析] Juice Organics 有機椰子修護洗髮乳

    在 六月 13 2017發佈

    Juice Organics 是來自美國的有機護髮品牌,主打的是「果汁」! 那「果汁」究竟和頭髮健康有什麼關係? 一起來看看這次產品分析的主角 - 有機椰子修護洗髮乳。 有機椰子修護洗髮乳內的「果汁」 這款產品內含3款天然果汁,包括有機蘆薈果汁(organic aloe juice)、有機白葡萄果汁(organic white grape juice)、有機蘋果汁(organic apple juice),3款都獲美國COPA有機認證,信心保證。 其中的有機蘆薈果汁(organic aloe juice)尤其重要,好多人都知蘆薈有滋潤舒緩肌膚的功效,但蘆薈中有蛋白水解酶(proteolytic enzyme)你又知唔知?它有消炎、抗真菌及修復受損細胞的功用,能有效減少頭皮屑及頭皮痕癢。另外,蘆薈亦有同頭髮角質蛋白(keratin)化學結構類近的成分,角質蛋白(keratin)是頭髮中重要的蛋白,因此有助增強頭髮堅韌度,令其不易斷裂。 椰子成分 叫得椰子修護洗髮乳,當然少不了椰子提取物,內含多種脂肪酸,而其中的月桂酸甘油三酯(triglyceride of lauric acid)對頭髮蛋白質更高度親和,其低分子量及直鏈化學結構,令其能在洗髮的短時間內,極速穿透深入頭髮髮芯,減少頭髮蛋白質的流失,強韌髮質。 (J Cosmet Sci. 2003 Mar-Apr;54(2):175-92.) 有機植物油...

    0 留言 閱讀更多
  • 爽身粉都致癌?──滑石粉出沒注意

    在 五月 26 2017發佈

      相信有留意開新聞嘅朋友都知道,早前美國一名婦人因長期(超過35年)使用強生(Johnson and Johnson)爽身粉去爽佢私處,去年死於卵巢癌,陪審團裁定強生須賠償7,200萬美元(5.6億港元)。呢單野引起全世界哄動(起碼美國同香港係,非洲個頭不詳),原來致癌嘅係爽身粉入面嘅滑石粉(talc),呢種滑石粉嘅應用非常廣泛,由建築工業、食品、藥品,甚至化妝品同嬰兒產品都有。   滑石粉可致癌? 「滑石粉」係天然礦石,由鎂(magnesium)、硅(silicon)同氧(oxygen)組成,佢同含有石棉成分嘅蛇紋岩一齊藏係地底,因此未經過濾嘅滑石粉通常含有石棉(Asbestos)成分,而佢亦係為人所共知嘅致癌物。 未經過濾嘅滑石粉係相當危險嘅成分,因為其中極微小嘅石棉纖維會飛散到空中,長時間吸入肺部,會誘發肺塵病、肺癌等疾病。 如果將有滑石粉嘅產品用係私處,粉末經由陰道、子宮、輸卵管進入卵巢表面,刺激卵巢的上皮細胞過度增,低程度但長時間的發炎可能足以產生癌症。2013年《Journal Cancer Prevention Research》研究指出經常於生殖器官部位使用滑石粉會增加整體上皮卵巢癌風險20-30%。   經過濾嘅滑石粉就安全? 現時歐盟要求所有嬰兒用品及化粧品都必須使用經過過濾嘅滑石粉,以免混雜有石棉,但醫學界一直質疑,即使濾走石棉仍有健康風險,所有為左健康著想,計我話都係盡量少用含滑石粉嘅產品,尤其用係臉上同女性私處。 化妝品的應用 由於滑石粉含有大量硅元素(Silicon),具有阻隔紅外線嘅能力,因此有啲化妝品廠商會加入滑石粉,以增強化妝品嘅防曬同抗紅外綫性能。滑石粉更可以令化妝品有更幼滑嘅質感,令皮膚摸落去滑啲。 發生呢單野之後,有記者查探過香港各大美容店,發現唔少化妝品都有含有talc(滑石粉),好多粉狀化妝品包括眼影、碎粉或其他礦物化妝品都有用到,由於化妝品搽係臉上面,好容易會吸入肺部,因而增加患肺癌風險(食煙就話會生肺癌姐,如果連化妝都會真係無陰公…)一次半次當然冇所謂,但化妝係女人一生嘅大業,日日都要用到嘅就梗係唔好貪平亂買啦,唯有仔細留意每一種成份先係王道!    

    0 留言 閱讀更多
  • 容易出油就是油性肌膚嗎?

    在 五月 13 2017發佈

    成日買護膚品都見到適合乾性/油性/中性/混合性皮膚嘅字眼,究竟我地應該買邊隻,唔同膚質又代表啲咩呢? 無論你係咩皮膚,我地嘅最終目標都係去到中性膚質,因為中性先係最理想嘅膚質,會產生最少皮膚問題。緊記!膚質問題唔一定會跟你一世,你係絕對可以透過用正確嘅護膚品嚟改善膚質!   乾性膚質 今次我會主要講解乾性膚質,好多人見到自己塊面出油就以為自己係油性膚質,就係咁用啲控油產品,但其實絕大部分人皮膚係乾到出油﹗ 點解? 因為真皮層嘅皮脂腺(Sebaceous Gland)感應到皮膚太乾時,就會製造皮脂(Sebum)嚟保護皮膚,所以當皮膚乾到一個點時,自然分泌大量油脂,油光滿面以為要更勤力洗走油脂,但愈洗啲油反而愈咇得勁,造成惡性循環。 最弊係當呢啲油脂堵塞毛孔,俾外界污染物氧化及感染,例如塵埃、氧化物和細菌等,就會形成黑頭粉刺,導致暗瘡問題。所以受到油脂分秘過多同暗瘡問題嘅朋友唔應該再係咁用控油產品,反而保濕先係解決問題嘅真‧方法。 肌膚太乾的原因 至於點解會肌膚會太乾呢?最主要梗係氣候問題啦,香港一踏入秋冬濕度低至65%,香港人長時間曝露喺乾燥嘅環境例如暖氣或冷氣,都會壞損皮膚表層的細胞基質(Extracellular Matrix),加上肌膚本身儲水力弱,更容易被空氣抽乾水份。 另外,如果我地選用護膚品不正確,例如洗臉後覺得臉部繃緊,其實代表你所使用嘅潔面產品潔淨力太高,唔單止將污物洗去,仲會將肌膚表面的皮脂層洗去,失去保護屏障嘅肌膚更容易係刺激下變得脆弱而敏感。   選用保濕產品小貼士 所以大家記住揀有保濕功能護膚品啦,包括潔面乳、爽膚水、面霜、面膜等。好多人驚揸完面霜會好“立”,所以成日懶得查,但其實每日早晚用完爽膚水都要揸架!乾性皮膚好脆弱,必須選擇天然而不含化學成份的護膚品,最好配合可以保濕滋潤及鎖住水份嘅天然精油成份,加強肌膚抵抗力和自我儲水能力。如果真係好怕痴立立嘅朋友可以選用水油平衡嘅乳液,嘅可以保濕又唔會唔舒服。而秋冬時覺得皮膚太乾想保濕就可以選用修護晚霜,第二朝起身就好水潤又易啲上妝㗎啦!   另外,去角質都可以解決乾燥肌膚問題同有效改善皮膚質感,皮膚嘅表層就好似床單咁,要定期更換,乾燥嘅肌膚無法正常代謝,而堆積的老廢角質會讓皮膚摸起來又粗又硬,因此配方良好嘅去角質產品例如磨砂面膜可有效地解決呢個問題。    

    0 留言 閱讀更多
  • 美容界的後起之秀—英國天然母嬰品牌Bloom and Blossom

    在 四月 28 2017發佈

    有啲女人似乎特別受上天眷顧,譬如凱蒂王妃(Kate Middleton)同碧咸嫂(Victoria Beckham)不但將全英國最有魅力嘅兩位男士收入囊中,而且生完寶寶之後依舊神采飛揚,連湊仔都可以繼續優雅自信,唔通係英國女人擁有得天獨厚嘅基因? 王妃都選用嘅母嬰品牌   不過天下無免費嘅午餐,呢兩位上天寵兒其實亦比普通人付出更多努力。外國嘅時尚雜誌公開佢地嘅產後護理秘訣,原來幕後功臣係一個叫Bloom and Blossom嘅英國母嬰護膚品牌﹗係呢個連食水都可以含鉛量超標嘅時代,Bloom and Blossom嘅產品仍堅持用全天然植物製造,等懷孕中/產後嘅女性及初生嬰兒都可以放心使用。品牌喺2010年成立後一直貫徹MINIMUM INGREDIENTS = MAXIMUM RESULTS(以最少成份產生最大成效,配方中絕無多餘成份)嘅理念,難怪吸引到一眾時尚名人包括Kim Kardashian、Kate Winslet……嘅熱烈追捧之餘,仲喺2012年榮獲The Cosmetic Executive Women Award for Best New Brand,成為首個獲得呢個獎項嘅母嬰品牌。   靠皇牌產品對付妊娠紋同水腫 水腫同妊娠紋幾乎係每個孕婦嘅惡夢,而王妃同凡人嘅分別就在於能否選擇合適有效嘅護理產品。生完小王子同小公主嘅凱蒂王妃,原來選用Bloom and Blossom嘅高效防紋油! 當中蘊含11...

    0 留言 閱讀更多
  • 抗衰老(Anti-aging)大作戰(二)──對付UV你要知

    在 三月 22 2017發佈

      「姨姨,讓你坐呀: )」 「姨你個頭﹗人地廿歲出頭咋﹗﹗」 以上情節當然係誇張左少少咁多啦,不過,唔想俾人睇落大過真實年齡?或甚至想留住青春?點做先得?? 係上一篇「抗衰老(Anti-aging)大作戰(一)──認識最大敵人」,我為大家講解左UV嘅恐怖之處,知道UV先係青春嘅頭號敵人。今次就係時候講講點樣對付UV啦﹗   如何減輕UV嘅傷害? 最簡單直接嘅方法,就緊係做足防曬措施啦。永遠都要記住,防曬嘅成本絕對係低於事後補救嘅成本,例如曬黑先嚟美白、曬傷先嚟鎮靜。更重要嘅係,事後補救,唔代表皮膚就可以100%復原!另外亦要留意,防曬一年四季都要搽,唔好以為果日唔係好曬就唔搽呀! 防矖其實有咩用? 防矖液可分為化學性防曬(Chemical sunscreen)和物理性防曬(Physical/ Mineral sunscreen)兩種。   -化學性防曬(Chemical Sunscreen) 佢地以成分嘅化學特性達到防曬效果。直接吸收UV,將之轉化為熱能,減輕紫外光嘅傷害。 好處係無色無味,易推開唔會搽到成身白色,亦唔油膩。不過部分常見嘅化學性防曬成分都幾毒下,又易俾皮膚吸收;有啲又會釋出自由基,較容易刺激皮膚、傷害皮膚及造成皮膚老化,所以要小心選擇。 常見化學性防曬成份包括:二苯甲酮Oxybenzone (Benzohenone-3)、阿伏苯宗Avobenzone(Parsol1789)、桂皮酸鹽Octinoxate、PABA ( Para Amino Benzoic Acid), 氰雙苯丙烯酸辛酯Octocrylene、甲基水楊醇Homosalate( Homomethyl Salicylate) 、4-甲基亞苯亞基樟腦4-MBC(4-Methylbenzylidene...

    0 留言 閱讀更多
  • 抗衰老大作戰(一)──認識最大敵人

    在 三月 03 2017發佈

      對各位女生黎講,肌膚要面對最可怕嘅問題莫過於衰老,唔好以為呢啲野等老左先理,到你三四十歲果陣,就會後悔點解當初冇好好保養皮膚㗎啦!   我仲係十零廿歲,抗衰老離我好遠? 其實踏入二十歲,皮膚已經開始容易缺水乾燥、毛孔突然變大、皮膚有細紋、膚色黯淡冇光澤。 眉間、額頭、眼尾和眼下出現細紋,以及上妝後粉底易卡係法令紋,呢啲都係開始老化嘅現象。所以要對抗衰老,真係要趁後生好好保養好皮膚,未雨綢繆,每日做好潔面爽膚保濕,隔幾日敷一次mask,有化妝嘅更加要每次做好卸妝,呢啲只係最基本,勤力嘅,最好就配合埋適合嘅抗衰老護膚品。 青春最大敵人--紫外光(UV light)! 要進行抗衰老作戰,首先要知道邊個係你嘅最大敵人,佢就係紫外光(UV light) 啦,9成皮膚衰老問題都係由佢引致㗎。紫外光可根據波長(wavelength)分為UVA, UVB, UVC三種。   UVC (波長100-290nm) 最唔影響皮膚嘅UV light band,雖然直接殺傷力最強,但因為絕大部分俾臭氧層吸收咗,去唔到我地嘅皮膚就自然無影響啦。多數只會係啲人工來源如水銀弧光燈同殺菌燈度搵到。   UVB (波長290nm-320nm) 對皮膚嘅直接破壞性好高,係曬傷同皮膚癌嘅主要元兇,亦會直接破壞皮膚嘅膠原蛋白(collagen)及維他命A(vitamin A)加速皮膚老化。好彩嘅係佢唔會穿透到玻璃,所以係室內就唔怕佢。   UVA(波長320nm-400nm) 因為直接破壞性唔強,以前一直被認為對皮膚無咩大影響,不過近年開始發現佢嘅間接破壞性,分分鐘仲勁過UVB嘅直接攻勢! 點解?簡單嚟講,UVA有更強嘅皮膚穿透力,可以直入皮膚深層,產生出自由基(例如羥基hydroxyl radical)及Reactive Oxygen...

    0 留言 閱讀更多
  • 3種妳必須提防的防腐劑 (下) - 防腐劑篇(二)

    在 二月 17 2017發佈

    上篇為大家分析過Parabens嘅問題之後,今篇會繼續講下另外兩隻常見但對皮膚危害甚大嘅防腐劑。可能篇文又長又有啲悶,但希望各位讀者為咗自己嘅健康,停一停,睇一睇。而係做資料搜集嘅過程中,其實連筆者自己都愈睇愈驚!   第二種: 甲醛(Formaldehyde)及甲醛釋放體(formaldehyde releaser): 甲醛係一隻非常常見嘅空氣污染毒物,而甲醛釋放體(formaldehyde releaser)亦都係會慢慢釋放出甲醛。搽佢地落塊面度,可以話同直接搽毒品係無分別。目前,瑞典及日本已禁止化妝品業界將甲醛用於其產品內。 佢地對我地嘅皮膚同埋身體真係構成好大影響,快啲搵下妳地嘅護膚品同埋化妝品有無以下成份:  甲醛(Formaldehyde)  甲醛釋放體(formaldehyde releaser),包括:                 -DMDM乙內醯脲 (DMDM hydantoin)                 -尿素醛 (Diazolidinyl Urea/...

    0 留言 閱讀更多
  • 3種妳必須提防的防腐劑 (上) - 防腐劑篇(一)

    在 二月 01 2017發佈

    無論一般嘅護膚品,定係天然護膚品,每當我地研究產品成份時,好多時候都會係最後見到一抽水蛇春咁長嘅化學名字,無錯,佢地就係防腐劑啦! 護膚品中嘅防腐劑主要針對三個問題: 防止黴菌或真菌,細菌和酸敗(rancidity)。令產品能夠有較長保質期。 防腐劑是必要嗎? 絕大部分情況下,我可以答妳,必要!! 係好多天然護膚品入面,都會加入對肌膚有益嘅植物活性成份同其他天然營養,呢啲固然對皮膚有莫大益處,但同理,亦會養活其它微生物,諸如細菌、黴菌及真菌。如果無咗防腐劑嘅話,天然護膚品就會變得極容易變質,因搽上變質護膚品傷害皮膚嘅風險可能仲危險! 有啲防腐劑效能超強,如果要為保質期加上一個期限,落得多,絕對可以係一萬年,因為佢地黴菌、真菌、細菌無所不殺,但亦包括妳嘅肌膚﹗﹗That’s why 好多國外設廠嘅跨國大品牌都會用呢啲防腐劑,以降低生產成本及應付長時間嘅船運,無他嘅,賺多啲錢嘛。 其實防腐劑都有好有唔好,用得啱,用量恰當,可以守護妳嘅肌膚,反之,將會毒害妳嘅肌膚,3種最必須提防嘅防腐劑入面,今集我會先為大家介紹最具爭議嘅 - Paraben。   第一種: 對羥基苯甲酸酯類/尼泊金酯(Parabens) 最常見的6種包括: 對羥基苯甲酸甲酯(Methyl paraben) 對羥基苯甲酸乙酯(Ethyl paraben) 對羥基苯甲酸丙酯(Propyl paraben) 對羥基苯甲酸丁酯(Butyl paraben) 對羥基苯甲酸異丙酯(Isopropyl paraben) 對羥基苯甲酸異丁酯(Isobutyl paraben)   佢地對於細菌、酵母菌及黴菌都有廣泛嘅抑制效果。歐盟單一濃度上限為0.4%,其中丙酯(Propyl...

    0 留言 閱讀更多
  • 護膚品常見有害成份(二) –表面活性劑 硫酸鹽(Sulfates)

    在 一月 27 2017發佈

      上回就講完補濕毒物──鄰苯二甲酸酯(Phthalates),今次我會介紹另一種護膚品常見嘅物質──硫酸鹽(Sulfates)。   係起泡清潔產品中常見 市面上好多起泡清潔產品都含有呢種成份,例如潔面乳、潔膚液,甚至洗髮水、牙膏,姐係由頭到腳都有可能接觸到!如果你洗完臉會覺得塊臉好乾、好乸眼、或者刷牙後有口腔潰瘍,咁你使用緊嘅產品就好大機會有高濃度硫酸鹽(Sulfates)啦。   硫酸鹽(Sulfates)係咩? 在清潔產品中,佢地用作表面活性劑(Surfactants),可以乳化油膩物質,達至清潔功用。係化學啲嘅角度嚟講(會深少少 唔啱睇自行略過),因為佢地嘅粒子一面可以吸住你身體上嘅油脂分子(疏水Hydrophobic),一面可以溶係水(親水Hydrophlic),所以可以將油同水二合為一,過水時成舊沖走,達至清潔效果。   硫酸鹽(Sulfates)好多時會由月桂醇(lauryl alcohol)經化學反應製成,而月桂醇(lauryl alcohol)係椰子油同棕櫚油中可取得。因此,商人好多時都會標榜成分提鍊自椰子油,令你覺得好天然好有益,但其實即使由植物中提鍊出嘅硫酸鹽(Sulfates)都可以刺激皮膚!唔好再比椰子提取矇敝左你啦! 以下係一啲常見嘅硫酸鹽: 聚氧乙烯烷基硫酸鈉(sodium laureth sulfate (SLES)), 十二烷基硫酸鈉(sodium lauryl sulfate (SLS)) 月桂醇聚醚硫酸銨(ammonium laureth sulfate (ALES)) 十二烷基硫酸銨(ammonium lauryl sulfate (ALS))...

    0 留言 閱讀更多
  • 角鯊烯(Squalene)的5大奇效

    在 一月 20 2017發佈

        近年,世界各地嘅橄欖油精煉廠都用盡一切方法提煉角鯊烯(Squalene),去滿足天然護膚品界、天然保健品界及藥品界對佢嘅需求。   角鯊烯係乜東東? 角鯊烯之所以咁命名,全因佢最初係1906年,由鯊魚肝油中發現! 海平面下1000米左右,氧氣極少,住係個度嘅鯊魚,先有大量嘅角鯊烯,角鯊烯係佢地肝臟含量尤其豐富,佔肝油60-85%。 除左深海鯊魚,大自然中好多動植物都會自己生產角鯊烯,因為佢係身體合成類固醇(steroids)嘅必須成份。 植物中角鯊烯含量最多嘅有橄欖油(150-700mg每100g)及米糠油 (332mg每100g),所以為左保護數量稀少嘅深海鯊魚,大部分有良心嘅天然護膚品都會以橄欖角鯊烯為主。 我地--人類亦都會生產角鯊烯!! 每人每日可分泌角鯊烯約125-425mg,由皮膚及肝臟細胞產出,主要分佈係皮膚同脂肪組織中。角鯊烯係皮脂(sebum)嘅重要組成成份,大約12%,係皮膚保濕力嘅關鍵!   點解我地需要角鯊烯? 自出娘胎,皮膚嘅角鯊烯會不斷增加,直到廿四、廿五歲個陣達到頂峰,之後,身體生產角鯊烯嘅速度就會不斷減慢……好多人都話廿五歲係女人皮膚嘅重要轉捩點,細紋、乾紋、縐紋等等嘅問題開始日日煩住妳,因中一個主因---皮膚角鯊烯減少!   角鯊烯對我地有咩好處? 解決皮膚根本問題 作為肌膚天然油脂分泌嘅主要成分,角鯊烯絕對可以稱得上係最親切天然嘅潤膚成分,而橄欖角鯊烯質感輕盈,搽上面唔覺油膩,亦唔會有鯊魚肝油角鯊烯嘅魚腥味,慢慢滲入肌膚底層,幫肌膚鎖實水份,當肌膚夠水潤,好多討厭嘅皮膚問題自然迎刃而解。   抗氧化 天然皮脂分泌係肌膚嘅第一道防護,其中12%角鯊烯就擔當左抗氧化嘅重要角色。 一方面角鯊烯的生化結構為C30 H50,技術上係有6個雙鍵嘅omega 2油,註定佢係一個抗氧化嘅狠角色。另一方面因為佢比較重,比起其他抗氧化劑較容易滲入肌膚底層,所以可以更有效保護肌膚細胞免受自由基嘅突襲。   造氧激活細胞 角鯊烯另一獨特能力,係可以同水分子結合造氧,提高細胞含氧量,亦有類似人體血紅蛋白(haemoglobin)嘅攜氧能力,調節身體組織內嘅氧氣平衡,增強細胞活力,促進新陳代謝。That’s why 啲深海鯊魚能夠係氧氣極稀少嘅環境下生存。...

    0 留言 閱讀更多
  • 爽膚水 - 不可忽略的護膚步驟

    在 一月 13 2017發佈

      好多人洗完臉就會直接搽保濕護膚產品,以為爽膚水冇用,但其實用爽膚水係好重要嘅護膚步驟嚟㗎!爽膚水又名為化妝水,每次塊臉經水沖過後都要用,例如洗臉,每日早晚最少一次。   爽膚水主要有4大功用 1: 為肌膚再度清潔 2: 補水保濕 3: 平衡皮膚嘅pH值 4: 調理角質層,使肌膚更好地吸收,為使用保養品作準備。 由於水喉水未必乾淨,同埋皮膚嘅pH值應該係略帶酸性,而自來水就略帶鹼性,所以要調整肌膚為跟住落嚟嘅潤膚步驟作好準備。 爽膚水正確用法 好啦講完爽膚水嘅重要性,咁點用先係正確使用爽膚水呢?有啲人會吱係手度再輕拍上臉,雖然可以即時補水,但其實咁樣係會發揮唔到佢清潔嘅功能,而且有一半都會比手吸收浪費爽膚水。 正確嘅使用方法應該係吱落化妝綿上,再輕抹臉部及頸部,避開眼周,就好似抹檯咁,一定要用布先帶走到污糟野,先抹得乾淨㗎嘛!然後使用精華露同保濕霜。 而另一種用法就係做mask,當肌膚太乾時可將gel狀保濕產品敷係面上,再將爽膚水吱落化妝綿或壓縮面膜上,然後攤開敷係凝露上,敷10分鐘,跟住塊面就會充滿水份㗎啦!   爽膚水常見成份 究竟爽膚水嘅成份有咩呢?同一般水有冇分別㗎?佢嘅成分有水、同根據唔同功能嘅成份嘅水溶液,譬如維他命C、果酸等,而一啲非天然護膚品就會加入其他化學藥劑,如香料,酒精等。 網上有唔少網聲稱酒精對皮膚唔係有好大傷害,仲有消炎殺菌之用,但其實咁係大錯特錯! 的確,護膚品中嘅酒精例如變性酒精(SD alcohol)、乙醇(ethanol)、異丙基(isopropyl)、甲醇(methanol)同埋乙基(ethyl alcohol) 都會令你用完覺得好清爽,冇痴立立嘅感覺,that's why咁多護膚品品牌,為求即時效果。 但係,我地皮膚表面嘅一啲天然屏障,本身係助肌膚吸收某啲精華素或其他有益肌膚嘅物質,例如油脂(lipids)、酶(enzymes)同抗氧化劑(antioxidants) ,而為左即時清爽見效,亦令某啲物質例如視黃醇(retinol)同維生素C更易進入皮膚而添加酒精,會分解呢啲皮膚屏障,直接影響皮膚健康,贏粒糖輸間廠,咁就得不償失啦! 爽膚水小總結 所以我地揀爽膚水就應該楝不含酒精成分嘅護膚品!爽膚水有分好多唔同種類,有保濕、美白、抗痘、防敏感的舒顏爽膚水,大家可以按自己需要嚟選擇適合自己嘅爽膚水。...

    0 留言 閱讀更多
  • Omega 3 -- 美肌之必要元素!

    在 一月 13 2017發佈

    儘管現今護膚品能為姊妹們嘅護膚需要帶嚟唔少方便,但如果依賴左皮膚上嘅營養收吸,反而忽略咗由健康飲食攝取營養嘅重要性,咁就大件事啦!點解啲護膚品用極都無效?不同護膚品牌又試極都唔掂?問題可能就係出係日常飲食方面。 Omega 3究竟係咩嚟? 一餐健康飲食中,必須包括ω-3脂肪酸,即我地成日都見啲奶粉廣告sell 嘅Omega 3,佢係“好脂肪”嘅一種,可以保持心臟健康,亦幫助妳嘅皮膚睇起嚟更健康。而ω-3脂肪酸除左我地最常見嘅α-亞麻酸 (α-Linolenic acid ALA),仲有二十碳五烯酸(Eicosapentaenoic acid EPA)及二十二碳六烯酸(Docosahexaenoci acid DHA)都係重要嘅ω-3脂肪酸。 Omega 3對皮膚嘅好處 ω-3脂肪酸係對細胞膜健康不可或缺嘅一員,細胞膜唔單止幫細胞隔開有害物質,而且負責控制養分同代謝廢物進出細胞。而細胞膜影響到的細胞嘅儲水能力,因此,要有一個水潤、柔軟、無皺嘅皮膚,健康嘅細胞屏障絕不可少。 除此之外,ω-3脂肪酸亦有助於降低人體生產炎性化合物嘅水平,預防細胞衰老! 有咩食物含有豐富Omega 3? 含大量ω-3脂肪酸嘅食物第一位,一定係魚!我地港人好鍾意嘅鮭魚、吞拿魚就多吃無妨架。 如果唔鍾意食魚,植物中的合桃、亞麻籽油、芥花籽油都內含大量嘅omega 3。不過值得一提嘅係,高溫處理係會破壞必需脂肪酸,所以我地最好就選用無炸過、烤過嘅堅果類或冷壓油脂。 海帶和海藻類,都含有豐富而天然嘅EPA和DHA。連多倫多大學營養學教授大衛.杰金斯博士,都主張植物或藻類先係最佳的Omega 3來源。    

    0 留言 閱讀更多
  • 護膚品常見有害成份(一) - 鄰苯二甲酸酯 (Phthalates)

    在 一月 07 2017發佈

    係我地現今嘅生活環境,其實存在著各種各樣嘅污染物同埋有毒物質,對我地身體造成唔同嘅影響。而係我地日常生活入面所接觸到嘅物品,例如食物、衣服、包裝物料、護膚化妝品同埋藥物,其實都會有機會含有唔同種類嘅有害物質。如此一講,似乎我地每個人都好容易接觸到有害物質,咁我地咪豈不是好危險?   咩係有毒物質? 咁究竟我地應該點去界定有毒物質呢?首先,我地就要講一講毒理學(Toxicology)其中一個重要嘅原則,就係” Toxicology studies the inherent capacity of a chemical to produce injury”[1],亦姐係話毒理學其中一個任務,就係睇下唔同嘅化學物質令人中毒(受損害) 嘅能力。 具體啲咁講,就係所有物質都有一定嘅毒性,而有害與否,重點係取決於我地身體接觸到幾多呢啲物質。例如,平常我地都會話水(H2O)係無毒嘅。但係如果我地係短時間之內飲用大量嘅水(e.g.10公升) 其實一樣會令我地出現水中毒(water intoxication).[2]   鄰苯二甲酸酯係咩? 鄰苯二甲酸酯(Phthalates)其實係一個化學物質嘅種類。佢地最常被用到嘅地方就係塑膠材料入面嘅塑化劑。不過非常不幸地,鄰苯二甲酸酯原來都有一啲常見護膚品所需要嘅特質。例如佢都有保濕 (humectants)、軟化皮膚 (emollients)同埋加強護膚成份滲透嘅作用。咁聽落去,係護膚品到用鄰苯二甲酸酯都似乎係一個「一石三鳥」之計。 但係,大家再睇埋佢地對身體嘅損害,我諗大家都唔會對呢類化合物再有好感。 內分泌干擾物 輕則佢地有機會會干擾兒童嘅代謝同埋內分泌,誘發肥胖問題。另外佢地亦都有可能會影響男童嘅發育。更加嚴重嘅係佢地導致嘅內分泌干擾,係有初步嘅研究指出同乳腺癌同埋先天畸形有關。 因為鄰苯二甲酸酯嘅影響都係比較慢性同埋間接,所以各地嘅政府仲未百分百禁止佢嘅使用。但係佢嘅健康隱患令我地都一步一步咁係護膚產品入面將佢淘汰。嘅然我地知呢類物質係好少量嘅情況下都有機會會對身體造成損害,我地就應該盡量留意,少接觸到佢地。   其實有害嘅化學物質有咁多種,一次又點講得哂呢。所以黎緊我地都會繼續為大家介紹多啲常見而又需要避免嘅化學物質。大家想護膚品用得安全又稱心,就記住留意我地嘅最新動態喇。...

    0 留言 閱讀更多